Eagles - Farewell 1 Tour - Live from Melbourne 2005演唱會

啱啱喺一個網站睇到，Eagles - Farewell 1 Tour - Live from Melbourne 2005嘅評語相當高，值得欣賞。我好少睇演唱會，現場嘅就更加冇我份，但係都忍唔住攞嚟睇下係唔係咁正。我諗屋企唔少人比我更加冇興趣，但係點都好，冇興趣嘅我都介紹2首我幾鍾意嘅歌畀你哋聽下：

1. Eagles - Hotel California(1976錄製)

2. Eagles - Lying Eyes(1975錄製)

係呀，1975, 1976呀，老餅梗係聽番啲老餅歌啦 ( ˘︹˘ )

Eagles樂隊是20世紀70年代早期成立於美國洛杉磯的一支搖滾樂隊。擁有7張專輯與29支單曲，在滾石排出的史上最偉大500張專輯，他們的Hotel California位於第37位，而同名歌曲更成為世界100首最佳的吉他獨奏中的第8位。1998年，Eagles被迎入搖滾名人堂。

演唱會全場約2個鐘44分。我雖然冇乜睇演唱會，但係如果計埋中場休息，即係差唔多成3個鐘，我諗畀錢睇嘅都應該滿意啦。

睇完之後，我嘅感覺係的確唔錯，依班老鬼原來個個都唱得嘅。Don Henley、Glenn Frey唔駛講啦，原來Joe Walsh、Timothy B. Schmit一樣掂，尤其是Joe Walsh，我覺得佢雖然神神化化但係唱功又真係唔錯喎。實力派就即係實力派，同啲偶像派唔同嘅，Don Henley嘅Hotel California同埋Desperado完全可以唱番同唱片一樣嘅水準，正！

跟住好自然咁想了解一下佢哋。因利益問題，意見問題，樂隊成員換咗幾次：

創始成員(4位) (1971)：
1. Don Henley
2. Glenn Frey
3. Bernie Leadon
4. Randy Meisner

5. Don Felder (第5位樂隊成員，1974年1月加入。2001年2月被辭退。) 
6. Joe Walsh (於1975年12月替代 Bernie Leadon)
7. Timothy B. Schmit (於1977年替代Randy Meisner)

依個視頻難得見到7個人一齊亮相攞獎：
The Eagles accept Rock and Roll Hall of Fame Award (1998年)

按發言先後：

1. Don Henley
2. Timothy B. Schmit
3. Bernie Leadon
4. Randy Meisner
5. Joe Walsh
6. Don Felder
7. Glenn Frey

十年人事幾番新，班友由廿零歲嘅長毛變咗成班老嘢，難得個個都仲唱得兩嘴；不過Glenn Frey就喺今年1月因病過身，享年69歲。

睇下兩個時代嘅Eagles：

Eagles - Hotel California (Live inWashington 1977)

Hotel California - Eagles ( HQ).mp4 (Farewell 1 Tour - Live from Melbourne 2005)

值得一提嘅就係Don Felder。原來Hotel California係佢寫嘅，Don Henley(主要) 同埋Glenn Frey就係負責填詞。2001年Don Felder因為被辭退而對簿公堂，最後庭外和解。我睇嘅Farewell 1 Tour - Live from Melbourne 2005演唱會佢個位就由唔係樂隊成員嘅Steuart Smith頂上，後者嘅吉他掂喎。

睇下Don Felder點樣講：

THE EAGLES - MR. DON FELDER - (The Hotel California Story)

又一個只可以共患難，唔可以共富貴嘅例子？

常平1日遊

常平1日遊（探訪阿拉） 

我哋原本諗住3月2號搵阿拉拜年嘅，但係因為佢事先有約，因此改到噚日2016年3月16日至成行囉。冇所謂啦，開講都有話有心唔怕遲，十月都係拜年時嘛。 

大哥、我、阿棠、秀雯、阿龍、阿賢、阿添（吓，阿添？係呀，阿添呀，好賞面喎，第一次出場，聽講第二日17號一早仲要到尖沙咀返新工添喎，原來佢想睇下六叔間豪宅。阿添，努力加油，希望我哋亦都好快有機會去睇下你間豪宅啊！） 

我哋一行7人乘搭位於砵蘭街嘅環島旅運10點嗰班車直奔常平。做生意都係孭住個算盤嘅，車票註明"香港段不設座號"原因係由香港到深圳灣段嘅乘客 （例如：香港往常平、香港往東莞、香港往新會等等......，都同坐一架車，過關後再轉搭另一架專往目的地嘅巴士，咁就慳番啲成本啦，好吖！）。閒日乘客唔多，一架車都坐唔滿。

一如阿拉所料，由開車到常平站需時2個小時15分左右。到達常平剛好係12:16分。

阿賢用緊聯通HK$78嘅一卡兩號3G月費計畫，可以用 HK$0.50一分鐘喺大陸打電話，如果好用我都想轉用，因為依家嘅2G月費計畫成日都冇訊號，吹脹。於是由佢打電話畀阿拉，原來阿拉已經喺美怡登酒店中餐廳開咗枱等我哋。間酒店中餐廳有免費wifi，阿拉話仲可以上埋面書（Facebook）添。飽餐一頓後（唔平啊，食咗4xx幾蚊人民幣呀，秀雯阿賢埋單，多謝多謝！）就梗係去阿拉度啦。因為8個人一次坐唔晒一架車，大哥、阿棠、秀雯等先坐第一架車，我、阿龍、阿賢、阿添就趁機去影碟舖買碟。我嘅目標原本係買番啲3D藍光碟嚟睇下門口嘅，啲3D藍光碟賣35到45蚊人民幣，正版就要1、2百，2、3百不等，而普通2D藍光碟就賣12蚊人民幣，所以唔貴。 但係發覺選擇就真係唔多，一係我已經下載咗又或者我唔鍾意，所以買唔成。都係阿龍好嘢，係咁意都買咗百零蚊..... 

下面嘅視頻(0:11分鐘 1.18MB) 可以旋轉及放大睇啊。↓

飯後甜品紅棗糕↓ 

返到阿拉屋企阿龍第一時間就梗係試下佢啲演唱會碟啦，期間我哋就巡視一下四周嘅環境。第一個發現就係比上次起多咗幾棟新樓同埋會所。嗯.....好唔好掃番幾個單位呢？下次六合彩開獎後講畀你哋聽。

下面嘅視頻(0:18分鐘 1.91MB) 可以旋轉及放大睇啊。↓

 新落成嘅會所↓ 

阿拉屋企有wifi，佢用緊嘅中國移動手機服務計畫又真係幾鬼抵用：128蚊人民幣一個月，包420分鐘通話同埋3GB數據、4G手機上網同埋屋企 wifi上網。諗下諗下我依家淨係畀8MB嘅龜速寬頻上網每個月都要HK$268，比起真係好鬼貴同慢囉，李"賊"楷條友先係用張紙換咗我啲錢，繼而收我 天價嘅上網費，咁鬼多錢仲咁做真係冇天理呀.....

大哥就喺依個時候發揮佢照顧兄弟嘅潛能嘞，原來佢帶埋個專用吸塵機嚟同阿拉除螨，出錢出力。歐陽家依個照顧兄弟姊妹嘅優良傳統值得我哋重視和延續啊。

然後我哋就睇周星馳嗰套收咗30幾億人民幣破晒記錄嘅"美人魚"嘞。可能因為係國語版（周星馳啲無厘頭戲係要聽番廣東話至傳神嘅嘛），而且音質差（好似喺戲院盜錄咁有好多雜音），畫面質素亦只一般，個人感覺就係"吓.....咁就收30幾億嘅嗱"囉。

噚日嘅天氣都有啲凍，個飯廳同客廳兩邊扯風，再加埋磚地板我哋又冇著鞋，於是阿拉開咗暖氣畀我哋嘆，當堂舒服晒。

下午茶時間身為主人家嘅阿拉梗係要我哋賓至如歸啦，冇咖啡因嘅咖啡、熱烘烘嘅波羅飽同埋法飽、自製蒜蓉牛油果醬、名貴嘅Godiva曲奇餅相繼出場，大家亦都唔客氣同佢清倉。

然後阿拉拎出佢嘅音樂影碟畀大家欣賞，依啲係佢同阿龍嘅強項，我就只能夠間唔中賣魚頭「搭嘴」。

噴咗一輪口水後，六點半左右我哋就去食晚飯嘞。因為8個人，阿拉就叫咗一個酒店相熟司機，分2架車車我哋去飯堂 - 會龍居嘞（次次都係嚟依度仲唔係飯堂？）

食咗乜？依啲囉↓

客家釀豆腐 

豉油鴨 

炸魚片 

鐵板爆生腸 

雲耳炒密豆 

上湯菜心 

燒雞 

焗魚腸 

糖不甩（送嘅） 

又係食咗4xx幾蚊人民幣，大家都話抵過晏晝果餐囉。又係秀雯同埋阿賢畀，點係呀，多謝多謝！

食完飯阿拉同個司機就車我哋去火車站搭火車。班車開21:09，返到香港大概11:10，快小小，但係就要行一大段路轉車囉，有得揀我都係揀搭巴士 舒服啲。順帶一提，過關前喺阿賢相熟嘅舖頭買多一支上海出產嘅皮康王，開價8蚊還價7蚊成交。今日前後買咗3支咁多做乜呀？有類固醇喎。知嘞，會小心用嘅嘞，不過又真係幾有效嘅。

皮康王↓ 

 

講開又講，幾時去阿拉果度BBQ啫？弊，畀阿拉知道添.............

備註：相片/視頻由秀雯提供，不敢叨光。

大樹的感悟

很久很久以前，有一棵又高又大的樹。

一位小男孩，天天到樹下來，他爬上去摘果子吃，在樹蔭下睡覺。

他愛大樹，大樹也愛和他一起玩耍。

後來，小男孩長大了，不再天天來玩耍。一天他又來到樹下，很傷心的樣子。

大樹要和他一起玩，男孩說：“不行，我不小了，不能再和你玩，我要玩具，可是沒錢買。”大樹說：“很遺憾，我也沒錢，不過，把我所有的果子摘下來賣掉，你不就有錢了？”男孩十分激動，他摘下所有的果子，高高興興地走了。

然後，男孩好久都沒有來。大樹很傷心。

有一天，男孩終於來了，大樹興奮地邀他一起玩。男孩說：“不行，我沒有時間，我要替家里幹活呢，我們需要一幢房子，你能幫忙嗎？” “我沒有房子，”大樹說，“不過你可以把我的樹枝統統砍下來，拿去搭房子。”於是男孩砍下所有的樹枝，高高興興地運走去蓋房子。看到男孩高興大樹好快樂。

從此，男孩又不來了。大樹再次陷入孤單和悲傷之中。

一年夏天，男孩回來了，大樹太快樂了：“來呀！孩子，來和我玩呀。”男孩卻說：“我心情不好，一天天老了，我要揚帆出海，輕鬆一下，你能給我一艘船嗎？”大樹說：“把我的樹幹砍去，拿去做船吧！”於是男孩砍下了她的樹幹，造了條船，然後駕船走了，很久都沒有回來。

大樹好快樂……但不是真的。

許多年過去，男孩終於回來，大樹說：“對不起，孩子，我已經沒有東西可以給你了，我的果子沒了。”男孩說：“我的牙都掉了，吃不了蘋果了。”大樹又說：“我再沒有樹幹，讓你爬上來了。”男孩說：“我太老了，爬不動了。” “我再也沒有什麼給得出手了……，只剩下枯死下去的老根，”樹流著淚說。男孩說：“這麼多年過去了，現在我感到累了，什麼也不想要，只要一個休息的地方。”

“好啊！老根是最適合坐下來休息的，來啊，坐下來和我一起休息吧！”男孩坐下來，大樹高興得流下了眼淚…… 這就是我們每個人的故事。這棵樹就是我們的父母。

小時候，我們喜歡和爸爸媽媽玩……長大後，我們就離開他們，只在需要什麼東西或者遇到麻煩的時候，才回到他們身邊。 無論如何，父母永遠都在那兒，傾其所有使你快樂。你可能認為這個男孩對樹很殘酷，但這就是我們每個人對待父母的方式。人生確實如此，請朋友們珍惜與父母在一起的時間！

因為：＂樹欲靜而風不止，子欲養而親不待＂

智慧之言

帝京酒店花月庭自助午餐

今日係2015年3月3日，家族成員：二哥、二嫂、我、阿棠、秀雯、阿龍、阿賢、阿拉一行八人參加咗帝京酒店花月庭嘅自助午餐。

時間過得真快，轉眼間，家族八人都年過55，符合佢哋嘅長者優惠條件 - 每位盛惠HKD165連加一服務費 (即係HKD150+HKD15)。哈哈!

頭條日報優惠劵

自助午餐原價(星期一至五)係HKD295(成人) / HKD225(長者65歲或以上) 再加一：

花月庭自助午餐海報

即係就算有恆生信用卡享有75折都要HKD250.75，如果冇就要HKD324.50
二哥和我兩個耆英如果有恆生信用卡就HKD191.25，冇就HKD247.50

各人都覺得難得有此機會，既可聚會又可飽吃一頓，大家都踴躍參加。

二哥二嫂最準時，未到十二點已經喺門口，點解唔入去先呢？原來要憑電話號碼入座，依家大多數人都將電話號碼放喺電話記憶裡面嘅啦，鬼記得我個電話咩。

入到裡面，第一個印象就係全部裝修過，同以前唔同，擺食物嘅地方多咗。嘩！真係好耐冇嚟過囉，冇計啦，依家咁貴。

花月庭內部

可能因為攪推廣嘅關係，照我睇就算唔係全部爆棚都起碼有九成半以上囉。我哋安排喺差唔多最入邊嘅315號檯。

雖然我哋畀HKD165啫，有啲唔計較嘅人係要畀足HKD324.50嘅嘛，所以啲食物一啲都唔差唔少，亦頗有水準及衛生。三文魚刺身、生蠔、燒牛肉Haagen-Dazs雪糕樣樣都有供應。

燒牛肉、火腿交替供應。不過，始終都係燒牛肉受歡迎，火腿就少人問津。梗係啦，鞋烚烚，有得揀我都唔揀啦！

一個負責即時開蠔，一個負責即時清洗。畀人新鮮、衛生嘅感覺。

阿龍阿賢話正最捧場，兩人食咗十幾隻，我自認腸胃差，食咗2隻就夠皮(每人每次限攞兩隻)。

雪糕可以再加鮮乳酪或伴以各式各樣嘅雪糕配料。

自助餐由12:00到2:30，差唔多2:30阿拉就話要趕住返常平。走之前梗係要影番張大合照啦。

三個賢內助喺我出去攞嘢食嘅時候搶住埋咗單，真係唔好意思兼多謝！

以HKD165食依個HKD324.50自助餐，差唔多等於大人買半飛，算低囉，仲想點！

這個世界只是一個夢

這個世界只是一個夢
(大寶法王)
https://www.youtube.com/watch?v=AwEVMqDHwgY

這個世界只是一個夢，你會相信嗎？

真的不忍心告訴你，這個世界只是一個夢。
也許年老的人或者面臨死亡那一刻的人才會相信。

當你一生無怨無悔地為整個家庭付出的時候，
當你為了兒女操勞碎心的時候，
當你為了不孝子氣得神經衰弱、日夜失眠的時候，
我很想告訴你，這個世界是假的，
不必太執著。

可是你不相信，
你的認識範圍也達不到使你相信和解脫煩惱的程度。
所以，我不說了，也不勸你了，
在岸邊看著你在苦海裡掙扎和沉浮。

也許，在你心裡認為我很無情，
其實你所有的痛苦，我都有感受，
只是無能為力，只有選擇默然觀看的態度。
我想大多數人都沒有福報，聽聞到佛法，
也沒有智慧領悟到空性，
就在這個不真實的世界裡演繹她們的一生，
喜怒哀樂、生離死別、愛恨情仇，
我何必去多言呢？

她有她的執著，她有她的認識，
她有她的夢想和追求，她有她的世界和幸福的概念。

真的不忍心告訴她，這個世界只是一個夢。
你一輩子執著的子女，只是你的一個緣；
你一輩子放不下的家庭，只是你生命裡的一個驛站；
你所追逐的感情和名利，只是一個自我意識的幻影。
夢醒時分空空如也，滿世界都是你，而整個世界又都是空的。

人生就像一場電影，
有跌宕起伏，有風平浪靜，有陽光燦爛，有暴風驟雨....
而讓我們的心也生起了愛恨喜怒，
隨境而生，隨境而滅，
最後傻傻地發現，
我們當了一輩子的演員，隨劇情而表演，
從來沒有做過真正的我。

如果這一刻你終於明白了什麼才是真正的我，
那麼你還會那麼執著？
一定要自己的孩子考得最好、學得最好？
一定要自己幹得最好、業績要最棒？
一定要住得比人高檔、穿得比人漂亮、吃得比人豐富、出行也比人奢侈？
一定要以牙還牙報復傷害過你的人？

終於明白這些都不是最重要的，
執著它們一生，它們就這麼折磨你一生，
你一生追求的不外如是，什麼也帶不走，
卻累了苦了你一輩子。
甚至你最愛的人，你也不能帶著他們走。
唯有隨緣。

今天愛你、疼你、恨你、傷你、怨你、折磨你的人事和境界，
該來就讓它們來，
該去就讓它們去，
不去執著、不去牽掛。
心靜下來，
你才知道你還是你，你沒有被它們牽著走，
這樣你才做回了一個真正的你。
這樣的人生才會無憾，這樣的人生才會無悔。
這樣你才會做回了一個真正的你。
甚至到了最後一刻，
死亡對你來說也是一種境界，隨緣而去，放心而去。

可是，
你真的能明白嗎？
明白了能放下嗎？
或者等你明白的時候是否已經太遲了呢？
我唯有默默地祈禱。

品味人生

這個世界只是一個夢

智慧之言
大樹的感悟
這個帖子寫得真好
感悟人生
回首感言
若你六十幾歲了
我老了
送你四張圖
記住這18句話
放下
活著圖個啥
一輩子開心的活法
人生哪能多如意
僅此一副對聯，便寫盡了人生