今日係2026年11月15日(星期日,亦都係長者日),趁住港鐵同埋海洋公園都係免費,天氣亦唔錯,決定前往海洋公園一遊。海洋公園已經去過N次,所以就只抱住曾經到此一遊心態,亦都趁機更新個網誌,唔好等佢發霉。
早上11時許由太子站出發,係金鐘站再轉南港島線搭一個站4分鐘就到海洋公園站,一出站前面就係海洋公園(相1+相2),
相對比坐巴士快咗又方便咗,值得一讚。南港島線通車日期係2016年12月28日,吓,眨下眼就開咗十年嗱。
攞咗張免費票進園(相3)。
上山乘搭海洋列車(相4+視頻4a),車程約4分鐘到站。
臨落山前前往"尋鯊探祕"館觀看鯊魚,啱啱睇到條鋸齒鯊(相5) 瞓晏覺,大爺真識嘆(唔好意思,佢把鋸啱啱畀隔離條鯊魚遮住咗)。
上山搭海洋列車,落山就決定坐登山纜車,諗唔到下午2點幾走都要等半個多鐘曬餐懵才上到纜車(相6)。
臨走前前往"熊貓館"睇下鎮園之寶啦(相7),應該係最多人捧場嘅館嘞,
小熊貓(相8)就冇乜人睇,世態炎涼唄。
出園前就見到海洋公園都搵隊Band佬助下興(視頻9)。
今日嘅行程大概4個多鐘,同自己講,努力加油啊!







