創科博覽2017

今日晏晝約咗大哥、二哥、阿棠、秀雯、阿賢、阿拉1:30去京華飲茶，然後阿龍、家怡都賞面加入。以為二哥/阿龍、阿拉/家怡會擦出火花啦，點之大失所望，心地唔好囉。

阿拉喺衛信用匯豐信用卡以優惠價4,800蚊出咗部華為Mate 9 Pro(雙擊圖片放大)，

6GB Ram， 128GB Rom手機，用自家品牌海思半導體(Hisilicon) 麒麟(Kirin 960)晶片，2K屏，幾靚仔㗎，聽講阿龍遲啲都會捨棄沿用多年嘅iPhone出番部，忽然愛國又或者因為iPhone X要成皮嘢太貴？華為聲稱要用Mate 10砌低iPhone，喺大陸佢哋已經排名第一(雙擊圖片放大)，

世界排名第三(雙擊圖片放大)，

以佢哋嘅實力，唔好話冇可能。

阿拉2:45左右先走，趕搭3點直通巴返常平，佢話早啲走費事同人逼。家怡稍後亦告退。我就大概3:30左右走人，因為早幾日喺網上訂咗喺會展舉行嘅創科博覽2017展覽會。

喺聯合廣場搭905過海巴士直達會展門口，去到會場就畀工作人員掃描我手機內嘅QR code進場。依家越嚟越方便，首先到創科博覽網站登記，完成後就會畀你一張電子入場門票(雙擊圖片放大)，內含QR code，全部免費。

其實係唔駛打印嘅，手機儲存依張電子入場門票就得。

場內不算人多，一般啦。有乜睇？

主要有4個主題展區：

A天展區 - 展現古今中國自然科學成就 (梗係有世界最大FAST射電望遠鏡啦)

B訊展區 - 展現古今中國數學成就 (梗係有中國世界冠軍超級電腦太湖之光啦)

C海展區 - 展現古今中國船技術 (梗係有遼寧號航空母艦啦)

D香港之光展區 - 香港科研成果

另有：

VR體驗遊戲區 - 畀參觀者體驗虛擬世界

科普互動區 - 畀參觀者透過互動遊戲講解科學知識

創科表演區 - 科學表演

多場專家論壇、科普講座、科學表演、電影等等.........

有興趣了解多一啲創科博覽？

1. 創科博覽2017 有得睇有得玩有得學 (2:56 min)

2. 依條友用咗成21分鐘影晒差唔多全場，但係就冇講嘢。如果想睇下場內有乜嘢睇就睇啦，否則可以不理。仲有，依套片拍得好定，唔知依條友係咪用腳架呢？

創科博覽2017 (23-09-2017) (20:50 min)

3. 創科博覽2017官方網站

我發覺場內有唔少學生，我諗應該係由佢哋學校組織參加嘅。好吖，等佢哋接觸多一啲中國嘅古今科學成就，點都好過等阿戴耀庭(香港大學法律系副教授)、鄭松泰(香港理工大學應用社會科學系擔任專任導師)、周竪峰(香港中文大學學生會前會長)等依班友教佢哋"違法達義"，倒轉自己國家國旗，粗口辱罵同胞做支那人好啩.........