顛覆未來的量子技術

量子是什麼？

構成物質的最小單元是基本粒子，構成質量、能量等各種物理量的最小單元就是量子。

不明白量子不要緊，我們不是科學家，只是普通人，所以不需要深入瞭解它，最重要是知道它能夠為我們做什麼。

中國量子技術現在是處於世界領先地位。

量子能夠做什麼？

量子有一些匪夷所思的特性，導至它被稱為「顛覆未來」的技術：

1. 分身術 (也稱：量子疊加)

- 它可以做出最強悍的量子計算機 (平行計算)

- 它可以做出最安全的量子通信 (杜絕監聽的量子通訊)

參考資料：深入瞭解量子  (2:59 min)

2. 遠程心靈感應 (學名叫量子糾纏)

- 使瞬間轉移變成可能？

參考資料：BBC影片之量子力學：如何應用纏結？ (6:29 min)

3. 量子雷達 (能看隱身飛機的量子雷達)

- 使隱形戰機無所遁形

參考資料：中國量子雷達靠什麼撕破B-2隱形衣 (1:08 min)

中國之量子衛星

三大科學目標 - 千里糾纏；星地穿密；隱形傳態

參考資料：

- 量子衛星提前實現三大科學目標 (1:46 min)

- 量子衛星提前實現三大科學目標  (上述視頻文字版)

其中幾位中國傑出量子專家：

1. 潘建偉

- 潘建偉：量子夢與報國情 (44:59 min)

- 潘建偉（著名物理學家、中國科學院院士）_百度百科

2. 陸朝陽 (今年只是35歲，已經是博士導師)

-  量子技術大神陸朝陽 (18:26 min)

- 陸朝陽（中國科學技術大學教授）

3. 郭光燦

- 中國科學技術大學：來自量子世界的新技術 (51.50 min)

- 郭光燦（中國科學院院士、著名量子資訊學家）_百度百科

永生傳說

永生傳說－透視古埃及文明

康樂及文化事務署和大英博物館托管會 聯合主辦
香港科學館和大英博物館 聯合籌劃
香港賽馬會慈善信託基金 獨家贊助

展覽日期： 2-Jun-2017 – 18-Oct-2017

卒之拖到今日成行。點解揀星期三？因為抵啲嘛，5蚊咋，慳番10蚊㗎。

食完晏2點10分左右，到巴士站(彌敦道/運動場道中銀門口)

搭35A巴士到尖沙咀東總站，一出站(2點40分)就對正香港科學館(嘅後面)

行3幾分鐘由正門入場，

冇呃你哋㗎，5蚊雞。

可能因為已經開咗2個幾月又兼係閒日，所以唔係好多人，但亦唔算少。有啲乜嘢睇？駛乜我講喎，上網睇乜都有啦.........

永生傳說－透視古埃及文明 官方刊物

1. http://hk.science.museum/ms/el2017/index.html

媒體/熱心人上載視頻，例如：

古埃及文化明起展出　幼童木乃伊首現亞洲

2a. https://www.youtube.com/watch?v=5EHnZ1wQ8_w

9分半鐘看古埃及「永生傳說」— 木乃伊展有甚麼好看的？
2b. https://www.youtube.com/watch?v=geThH6vaQOE

場內有幾個視頻介紹，每個大概都係5~10分鐘，中英語輪流不停播放。

為咗提高訪客興趣，場內有一啲互動遊戲，例如：木乃伊的誕生~成為遺體防腐師，製作古埃及木乃伊，仲可以到Play Store下載mummy maker喺手機玩添。

睇完木乃伊，順手睇埋科學館其他展覽.........

我幾高？實際應該唔夠5'5" / 165 cm (因為加咗防腳底痛鞋墊)

我幾重？65 kgs / 143.5 lbs

仲有示範劇場，

原來液化氮嘅沸點係零下196 °C，都幾有教育性㗎。

有興趣就快啲嘞，展覽到10月18日咋。

打道回府，睇下個鐘，4點50分。喺巴士諗起一個問題 ~ 乜木乃伊展覽唔係應該由埃及博物館舉辦嘅咩？不過，回心一想，木乃伊如果全部都喺埃及，可能我哋就冇機會睇到，就算有亦可能唔會有高科技參與其中囉。唉，所以幾大都要強大呀，搶人幾時都好過畀人搶呀，哈哈！

放下 (轉載)

一個苦者去寺廟找老和尚傾訴心事。

苦者說：我放不下一些事，放不下一些人，覺得壓力很大，很痛苦很煩惱。

老和尚說：沒有什麼東西是放不下的。

苦者說：這些事和人我就偏偏放不下。

老和尚說：你壓力大，你痛苦，你煩惱是因為你沒有放下該放下的人和事，或不懂得去放下。

老和尚幫他倒茶，又不停的跟他講話。茶壺裡裝著剛煮開的茶水。苦者心不在焉在聽；老和尚邊講邊倒茶。杯子一下就滿了，茶水一下濺到他的手上，苦者馬上就鬆開了手。

老和尚微微一笑說：當你疼了，那你自然就鬆開了。連自己的手都懂得放開，而你一個大活人為什麼不懂得去放開呢？放開了，壓力、痛苦、煩惱不就慢慢的消除了嗎！給自己一開心快樂的機會，同時也給你身邊的人一個安慰的心。

簡單才自在。

我們都是過客，把一個過客做好，簡單點，自在點。如果你隨緣，能得到多少就得到多少，那麼你就是快樂的。

牙痛

尋日無端端牙痛，搞到成睌冇得瞓。又唔係有爛/蛀牙吖，因為食嘢又唔覺得痛，總之右下顎大牙位置間唔中就有陣痛(即係"戚"下"戚"下咁痛，脈搏跳動咁痛囉)，亦都唔知係邊隻，大概係尾二嗰隻啩。

牙痛慘過大病，想唔理佢都唔得，今日拿拿林走去搵牙醫。咁啱政府喺今年7月1號起對65歲以上長者提供每年2千元嘅醫療券計劃，加埋依家嘅牙醫收費驚人，梗係搵間有參與醫療券計劃嘅診所啦。

搵咗幾間，發覺有啲要先預約，有啲就冇參加醫療券計劃。卒之喺西洋菜街/水渠道(始創中心對面) 搵到一間面積好細嘅牙醫診所(叫做兩層，但係地面加埋閣仔都冇200尺)，門口掛住"醫療券計劃"標貼，仲要由幾個牙醫共享。

大家亦可參照下列網頁找尋已登記醫療服務提供者名單：(不過好似唔係好詳盡

喎，睇勻26頁都唔見我睇牙果間嘅)

https://apps.hcv.gov.hk/SDIR/main.aspx?lang=zh

入到去，姑娘話醫生要到5:45分至返到，果時大概係下晝5點鐘，掛咗號無所事事就諗住返屋企先啦，就喺太子道/花園街紅綠燈前撞到阿賢。同佢講開，佢就話不如去睇洗衣街嗰個董立強啦，剝牙同洗牙都係收300蚊(不過佢今日再補充依個係兩年前嘅價)，佢都係幫襯佢。一嚟我已經掛咗號，二嚟我去到董立強果間診所發覺佢都冇參加醫療券計劃，所以最後都係去番先前嗰間。

講咗我嘅情況畀醫生聽，佢就先同我照X光，然後就話睇番張X光片我講嘅牙

冇乜大問題，應該唔會咁痛；反而話我有牙周病，上顎有隻牙蛀得都幾嚴重，提議我趁機補牙同埋洗牙，唔駛遲啲出問題時杜牙根又辛苦又貴；又話上下顎啲牙同埋條神經線，可能係做成牙痛嘅成因。

打咗麻醉針，跟住就落樓下等咗差唔多半個鐘等啲藥力生效....補完牙跟住就同我洗牙，仲話阿伯好叻咁洗牙都頂得蒲.....

埋單盛惠一千大元 - 補牙500、洗牙400、X光100、差唔多2個鐘嘅時間(包麻醉加埋等候時間都佔咗一半時間以上啦)。佢同我申請埋醫療券(係冇實體嘅醫療券㗎)，即係我只要畀張身分證佢就乜都搞掂。

然後佢就提議我覆診影多一張全部牙齒嘅X光，同埋洗第二次牙，因為我太耐冇洗，一次洗會比較辛苦。我心諗我係嚟醫牙痛嘅，依家駛咗成千蚊都唔知掂唔掂，你係唔係想同我一鋪清袋，攞晒2,000蚊？於是就話等下我隻牙痛唔痛先講啦......

簽咗張醫療券表格就走得，幾方便，又慳咗一千蚊嘞，哈哈！咦，藥都冇㗎，唔掂啲牙又痛起上嚟點搞？梗係問佢攞番啲藥以防萬一啦，佢見醫療券都開咗嘞，諗諗後就免費開咗依隻藥畀我。

我網上Google依隻藥"Mefenamic Acid"，發覺佢係非類固醇消炎止痛藥，服用劑量每次250-500MG，飽肚食。

Mefenamic Acid一啲相關網頁：

http://hk.apple.nextmedia.com/news/art/20050507/4867643

http://candybear98.pixnet.net/blog/post/34837691

http://sasabook.blogspot.hk/2009/03/blog-post_22.html

依次政府都叫做有番啲福利畀我啦，仲有冇呀？

天際100 海港酒家

今日我大晒！乜唔係呀，全世界最大嘅互聯網公司Google都要改版面，祝我生日快樂喎。打開Google，首先出現"David，生日快樂！"字樣，依個時候千期唔好眨眼，因為話咁快就去咗下面第二個版面。Google咁識做抵佢發嘅。

嗱，冇呃你哋㗎，過左零時佢就變翻咁嘞......

今日既然大晒，梗係要睇下邊個識做啦。其實，6月15日嘅免費報紙AM730，

就睇到天際100

......為慶祝天際100 開業 6 週年以及答謝港人支持，將於 2017 年 4 月 7 日起至 6 月 30 日期間呈獻多個驚喜推廣優惠，包括香港身份證號碼「6」字即享門票「買一送一」優惠及「港人6 週年優惠套票」。為延續生日喜悅，天際100 更破天荒推出 3 項全年優惠 — 「生日免費優惠」、「殘疾人士標準門票」及「傷健同行套票」。......

如果早啲發現，就叫大哥去啦，咪執輸嘛，啲飛幾貴㗎  (門票資料) ，長者都要過百蚊一張㗎。
初初都差啲擺咗烏龍，以為佢喺中環或者金鐘。睇清楚至知原來佢喺西九龍柯士甸道西1號環球貿易廣場（ICC）100 樓  (隔離就係西區海底隧道九龍入口)。

Google一下發覺最方便就係坐2蚊雞970城巴過海巴士(原價11蚊㗎)，

太子站上車，

西區海底隧道收費廣場站落車，

行2~3分鐘就到環球貿易廣場。970回程站就喺對面，遠啲，要行天橋過對面馬路搭。

去到大概3:00左右，畀咗張身份證售票靚女睇，就攞咗張免費門票同埋一聲"生日快樂"，跟住上一層電梯進場......

一進場，就經過一條時光隧道睇下昔日嘅香港(左右各有2-3版重複出現啩)，然後有工作人員為你拍照留念，相片喺觀景台攞，(原來相片要130蚊一張，我啲孤寒種梗係唔制啦，好彩佢哋用嘅係電腦相，尚未打印出嚟，冇嘥，啱嘅，環保嘛)。

跟住就搭升降機上去囉......

嗱，趁住我搭升降機上100層樓，你哋咪先了解一下天際100囉。大家可以先睇下下面嘅 Youtube視頻：

1. 2011-04-13東張西望(天際100) (2:32min)

2. 28-03-2011陳嘉欣 全港最高觀景臺天際100 (1:41min)

3. Sky100 Observation Deck 天際100 (2:20min)

4. 20110324 「天際100」鳥瞰港九 (2:41min)

第3個視頻條友真係好得閒兼且冇蝕抵啫，由日睇到夜。咁都好，畀大家睇埋日夜唔同景色。

睇晒上面嘅視頻要10分鐘，但係100層樓大概1分鐘左右就到，出升降機就係觀景台嘞。可能今日係星期一，又唔係假期，所以遊人唔算多，我睇到有一支國內採訪隊在拍攝。觀景台內有多個望遠鏡可供使用，盛惠20蚊一次。

當然，少不了售賣紀念品嘅攤位同埋小食部啦。比較有特式嘅係VR虛擬實境......

首先，我發現地面有一個圓形圖案。當我走埋去睇下係乜東東嘅時候，一位靚女服務員走埋嚟好客氣咁問我駛唔駛幫忙。然後佢叫我喺手機安裝佢哋一個叫做Sky100嘅app。打開個app，對準地面嘅圓形圖案，虛擬嘅ICC大廈就會喺你部手機出現，我梗係乘機走埋去叫佢同我影翻張相留念啦......

依類觀景台我覺得比較適合外地遊客，我哋香港人喺山頂乜都睇過啦，坦白講冇乜新鮮感，叫做曾經到此一遊囉，即係我成日講嘅"我都去過啦"呀，哈哈！

我見到有人叫一個靚女工作人員同佢影相，我咪唔執輸叫佢同我影翻張囉。

依幾日一直都落雨，但係我參觀期間天氣同埋視野還可以，算唔錯喇，個天都算畀翻的薄面。四點左右就歸心似箭嘞，點解，趕下場嘛......七點半出席為我而設嘅生日宴會囉，哈哈！

生日宴會喺將軍澳新都城一期海港酒家。出席嘅家族成員包括：大哥、我、阿棠、秀雯、阿龍、淑賢、阿添、阿禧、Teresa九人。

食咗乜？睇下張菜單咪知囉......

主角4.5斤嘅阿拉斯加長腳蟹(HKD188/斤，即HKD846)唔錯喎，新鮮爽甜，對辦。

佢哋話條東星斑就比較差，早知叫條沙巴龍躉好過，仲平400蚊添。埋單盛惠HKD2168，算抵食啦，多謝多謝，感恩！

其他菜色：

芝士焗蝦球伊麵

蒜蓉粉絲蒸元貝

花膠響螺頭湯

鮮竹魚腐浸勝瓜

招牌燒鵝皇半只

仲有壽包、紅棗糕送㗎。秀雯同海港個店長熟嘛，依啲著數少不免啦。

仲有仲有，多謝大哥、阿棠秀雯阿龍阿賢等、阿拉嘅大利是，又食又拎，仲唔係大晒？