港珠澳大橋3種交通方式

1. 港珠澳跨境巴士 (最貴但最方便)

1a. 環島中港通_港珠澳大橋跨境巴士 -   太子砵蘭街

程票價為120港元

雙程票價220港元

班次：15 - 30分鐘

星期一至日：06:30 - 01:00

1b.觀塘直達澳門氹仔跨境巴士

apm -

往來澳門的跨境巴士

日間車程票價為170港元

夜間單程票價190港元

而往來珠海的單程票價為140港元，來回票價為200港元。

港澳一號   港澳快線
「港澳一號」起點為觀塘apm，可直接前往澳門星際、威尼斯人等多間酒店，車費$170（夜間及周六日全日$190），車程連同清關約1小時45分

另一家直通巴公司冠忠，旗下的「港澳快線」由九龍站圓方出發，經太子直通澳門多間酒店，單程車費$160（夜間$170，深宵、星期六日及假日附加費$20），可直達銀河酒店、威尼斯人、美獅美高梅等路氹酒店，車程約100分鐘

2.市區巴士 + 金巴 (長者$33)

A21旺角(不經太子)  ~ 香港口岸

A33X屯門市中心 ~ 香港口岸 $27.7 (無優惠)

A29寶琳 ~ 香港口岸 ~ 香港口岸 $42 (長者半價 $21)

3.金巴+地鐵+B5巴士 (最平)

長者單程價 ($33 + 2太子~欣澳+ 2欣澳~香港口岸 = $37)

太子~香港口岸：

成人單程價 ($65 + 14.8 + 5.8 = $85.6)

港珠澳大橋半天遊 (1)

港珠澳大橋半天遊  (補充及再整理)          20181026 (星期五)

忽然間心血來潮決定要去試下港珠澳大橋，單身寡佬有依個好處，話行就行，幾瀟灑，哈哈......

出發嘞⇧

大廈保安員王先生問我去邊，我答"出發嘞..."。佢再問我去邊，我叫佢估下，佢諗咗一諗然後答我....."港珠澳大橋"。吓！又會咁都畀佢估到嘅？

13:14 由太子地鐵站往荔景站⇧

13:25 由荔景站轉東涌線往欣澳站 ⇧

13:38 到咗欣澳站搭扶手電梯上一層，轉左，行過對面月臺出站⇧

由現在開始，相片都加咗時間水印，方便大家知道實時拍攝時間。

13:39 往"A出口"出站⇧

13:41   出咗站就見到指示前往乘搭B5巴士(城巴)方向⇧

成人票價$5.80；長者$2.00 (城巴網站標示$2.90，但係我嘅八達通就顯示扣咗$2.00)

13:48   開車嘞⇧

14:09   到咗港珠澳大橋香港口岸嘞，總站到總站，全程冇塞車冇停站，約18分鐘⇧

14:19   過關嘞，完全唔駛排隊 ⇧

14:22 港珠澳大橋穿梭巴士(金巴)自助售票處⇧

港珠澳大橋穿梭巴士(金巴)係喺關口入邊，即係要過咗關先至搭到嘅。

14:25   唔係呀，原來長者票要喺隔籬售票櫃檯人手售票㗎。成人票先至可以喺自助售票處買㗎⇧

買飛要先決定去澳門還是去珠海，長者(65歲或以上)票價都係33蚊/張(單程)⇧

成人及12歲以下小童票價分別係   65蚊/張 及 半價/張(單程)。由早上6時至晚上12時嘅日間時段。

午夜後至早上六時嘅夜間時段則加收5元。

如果喺珠海口岸以現金購票返香港，只收取人民幣   (記住要帶呀)。

繁忙時間5分鐘一班，其餘時間約每10至15分鐘一班。夜間時段班次較疏，約每15至30分鐘一班。

港珠澳大橋主橋車輛通行費收費

港珠澳大橋管理局昨日（八月二十三日）公佈，經廣東省人民政府批覆同意，港珠澳大橋主橋收費站車輛通行費收費標準（每車每程）確定如下︰

小型客車（私家車、出租車）：150元人民幣
大型客車（過境巴士）：200元人民幣
穿梭巴士：300元人民幣
貨櫃車：115元人民幣
普通貨車：60元人民幣

14:33   前往乘搭巴士，B C區去珠海，DE區去澳門⇧

不嬲都以為珠海口岸梗係喺珠海，澳門口岸梗係喺澳門嘅啦......

錯！其實兩個口岸都係喺一個填海填番嚟嘅 珠澳口岸人工島上面，只不過珠海口岸喺人工島嘅北面，澳門口岸喺人工島嘅南面啫(見上圖 - 綠色/粉紅色部位)⇧

即係話，如果你去咗珠海口岸，忽然間想去澳門，行過去澳門口岸嗰邊過關就得。

亦即係話，無論你想去珠海或者澳門，出關後你都要再坐車離開珠澳人工島前往市區。

港珠澳大橋半天遊 (2)

14:35 對面遠處就係香港國際機場⇧

14:46 開車喇。為咗睇依條世紀大橋，我來回都坐喺最前嘅座位，即係司機隔籬嗰個。閒日去有個好處就係冇人同你爭位坐⇧

14:51依家入隧道......搞錯咗，仲未係嗰條長6.7公里嘅海底隧道呀⇧

14:58 行車大概12分鐘後，就見到嗰條長6,225米(路牌註明)嘅海底隧道嘞。佢聲稱係迄今為止世界最長、埋入海底最深（最深處近50米）、單個沉管體量最大、使用壽命最長、隧道車道最多、綜合技術難度最高嘅沉管隧道⇧

行車速度唔到90公里⇧

15:03出隧道。隧道行車時間大約5分鐘⇧

15:10全程好暢順。可能因為係閒日嘅關係，可以講同習主席剪綵時差唔多咋，成條路我行晒⇧

15:22 話咁快就到珠海口岸。全長55公里嘅港珠澳大橋，從香港口岸到珠海口岸大概用咗36分鐘。依度亦都係穿梭巴士總站，即係33蚊己經坐晒嘞⇧

 15:31   過關喇，入咗珠海口岸後就冇香港手機訊號嘞⇧

16:00出關就係珠海口岸2F⇧

返香港口岸或往澳門口岸就喺3F⇧

澳門口岸我冇試過，但係大家可以參考Youtube視頻香港口岸過大橋去澳門

想搭公交車或打的就落1/F，有4條乘搭公交車或旅巴通道前往市區不同站點⇧

公交車就去呢啲地方，唔知乜東東，2蚊人民幣起⇧

港珠澳大橋半天遊 (3)

旅巴，例如去拱北要五蚊人民幣⇧

微信都得㗎。唔知香港微信得唔得呢？香港微信用港幣㗎喎？⇧

因為新開嘅關係，淨係見到肯德基同埋星巴克已經開咗⇧

16:37返香港啦。睇下個錶，喺珠海口岸八下東、八下西，唔覺唔覺就過咗66分鐘⇧

16:43長者票要嚟依度售票櫃檯用人民幣買。成人票可以喺隔籬自動售票機買⇧

長者/小童票價為29人民幣/張 (單程) (大約HK$32.80)。⇧

同香港票價差唔多啦，冇乜著數蝕抵。成人票價應該都係一樣

16:47 行出關口坐巴士⇧

16:55 開車喇⇧

17:33 返抵香港口岸。⇧

全程用咗38分鐘，(去程用咗36分鐘)來回都係用咗差唔多時間啦。大橋全程都冇站、冇塞車，好暢順，正！

17:56 出咗關，如果肚餓仲可以幫襯喺香港口岸入邊嘅翠華餐廳⇧

貴唔貴呀？同市區比，貴啲都預咗啦⇧

16:00 城巴B5喺依度入邊⇧

16:00 見唔見到呀?後面嗰駕金色嘅咪係B5囉⇧

18:01其他巴士路線⇧

若大家計劃乘坐「金巴」過橋，亦可先在市區乘坐九條由龍運、嶼巴或城巴經營的A線機場巴士往香港口岸。

例如，阿棠可以考慮乘搭城巴A29號線，由將軍澳寶琳上車至香港口岸(第19個站)落車，不過價錢就要42蚊(長者半價只要21蚊咋)。

大哥、二哥、阿龍都係搭地鐵最抵、最方便、最快。

19:01 返到太子站嘞。⇧

由下午13:08出門，至晚上19:01返底太子。即係今日用咗大約5小時50分鐘遊港珠澳大橋

埋單：(長者計/單程/港幣)

$2 - 太子~欣澳(地鐵)

$2 - 欣澳~港珠澳大橋香港口岸(城巴B5)

$33 - 香港口岸~珠海口岸(金巴)

合共：$37 (來回即係$74)

抵啦！有機會要去多幾次囉。