早幾日同阿龍就美國舊金山海灣大橋拗起上嚟，(放心，絕對唔係炒大鑊，我邊度有咁好氣吖)。不過依家諗返起，就覺得幾無謂。點解到今時今日都仲係咁執著，仍然係維園阿伯呢？
60耳順好快就過，70從心所欲快到嘞，希望有所改善啦。咦，70歲以後係咪等於可以從心所欲亂咁嚟呀？哈哈...
60耳順好快就過，70從心所欲快到嘞，希望有所改善啦。咦，70歲以後係咪等於可以從心所欲亂咁嚟呀？哈哈...
其實每個人都有自己嘅諗法/信仰，明白依個道理，實在唔需要監對方一定要認同自己喎。閒話家常啫，又唔係辯論比賽，又唔係去講數，贏咗又冇獎，相反，如果對方小氣，老羞成怒，嬲咗你，以後朋友都冇得做咪仲衰。
此事源於阿龍喺youtube睇到依啲視頻:
1. 不到30天賺了美國446億，只有中國能做到的事情，美國也無可奈何
2. 日本這下真氣炸了！美國9次請求中國幫忙修橋，最終花500億談成
3. 美國大橋剛修好再次斷裂，日本直言沒能力修，指望中國卻要排隊
4. 美國拿422億求中國幫忙不了中國卻說要排隊
5. 美國稱這橋難度太大！感激中國幫三藩市造超級大橋 光鋼材就用4 5萬噸
中國自從改革開放以來無論喺經濟方面、軍事方面都得到令人嘖嘖稱奇嘅成就，依個係有目共睹，大家都承認嘅事實。因此有中國奇蹟嘅讚譽；但亦因此惹來中國威脅論嘅指控。身為中國人對中國嘅驕人成就梗係引以為榮、引以為傲啦。中國都衰咗咁多年囉，都係時候發圍啦，呢個世界輪到嚟嘅，風水輪流轉嘛。
但係進步還進步，引以為傲還引以為傲，都唔應該搞到頭腦發脹，不可一世，好似呢個世界冇咗你就唔得咁喎。中國仲未去到依個層次，仲有一段距離㗎......
- 美國停止供應晶片畀中興，中興就休克；
- ASML唔供應光刻機畀你，你就做唔到最先進嘅晶片。超過1億美元一部機你都要買，仲要排隊買；
- 國產民航機ARJ21、C919都要用歐美嘅發動機；
- 先進嘅醫療設備都係要進口；
- 精密機床仲要睇下人哋肯唔肯賣畀你；
- 雖然軍用電腦、超級電腦都開始轉用國產中央處理器(CPU)，但係一般商業、家庭電腦就要用美國嘅，一嚟自己未去到依個水平，二嚟受到人哋專利束縛......
言歸正傳，首先講下舊金山(三藩市)海灣大橋喺邊度:
海灣大橋由東橋、西橋組成，於1933年開始動工，並於1936年11月12日完工通車，比舊金山著名嘅金門大橋早六個月通車。東橋因為喺1987年10月嘅6.9級大地震受到損壞因此決定重建
承建海灣大橋東橋(新)嘅設計、建造係美國嘅American Bridge同埋Fluor合營公司。
大橋嘅鋼結構喺2006年3月交由國際(包括日、韓、西歐等)競投。參與競投嘅中國代表係上海振華重工，憑著佢有足夠規模同設備、高水準嘅技術支持以及擁有自己嘅港口/碼頭及運輸船隊，美方決定將該項目交給中國，從而節省了四億美元。順帶一提，上海振華重工係一間生產港口機械和大型鋼結構製造商。中國橋樑建設國家隊當屬中鐵大橋局，第一梯隊僅此一家。次之是中交二航局......
大橋造價約72億美元，折合人民幣四百多億，振華重工獲得其中數億美元份額。大橋設計強度能夠抵抗8級地震，使用年限超過100年。大橋於2013年9月2日通車。
做人做事，實事求是就好，唔需要大吹大擂，假、大、空更加要不得。有麝自然香嘛。
上述資料來自：(有興趣者可自行參閱)
